Senrula Retpaĝo
Foje mi volas krei simplan retejon, ĝi ne necesas kalkuli ion surpaĝe aŭ ĝisdatiĝi ofte, mi nur bezonas montri iom da informo. Tiu cele mi volas gastigi simplan dosieran retpaĝon. Jen mia gvidlibro por krei simplan HTML paĝon gastigatan per la servoj de Amazon, disdonata per enhava disdona reto (angle: content delivery network) Cloudfront, kaj fine uzi Route 53 por servi DNS.
Kion ni faros
Ni plenumos tion per kelkaj paŝoj:
- Krei S3a ujon por teni la dosierojn
- Agordigi Cloudfront
- Agordigi la DNS systemon per Route 53
Krei S3-ujon
Unue ni bezonas krei S3-ujon, do iru al https://console.aws.amazon.com/s3/home kaj kreu novan ujon, nomante ĝin kun la retnomo, kiun vi uzos poste, ekzemple agrablaprogramado.com. Post la kreado navigu al ĝi kaj premu la butonon de agordoj (angle: Properties). Sub permisoj (angle: Permissions) klaku "Aldoni pli permisoj" (angle: Add more permissions) kaj por Kiu (angle: grantee) enmetu "ĉiuj" (angle: everyone), por la permiso elektu listu (angle: list) kaj konservu. Nun iru al la reteja gastigada sekcio (an: Static Website Hosting) kaj elektu Ebligi retejan gastigadon (an: Enable website hosting) kaj por indeksa dokumento (an: Index Document) enmetu index.html kaj por la erara dokumento (an: Error Document) enmetu 404.html. Ankaŭ rimarku la Endpoint adreson. Ĝi aspektus kiel agrablaprogramado.com.s3-website-us-east-1.amazonaws.com. Konservu ĝin ĉar vi bezonos ĝin sube.
Nun vi bezonas alŝuti la HTML-ajn dosierojn. Kreu la du dosierojn sube kaj alŝutu ilin en la ujon.
<!-- index.html -->
<html>
<head>
<title>Saluton</title>
</head>
<body>
<h1>Saluton Mondo</h1>
</body>
</html>
<!-- 404.html -->
<html>
<head>
<title>Eraro</title>
</head>
<body>
<h1>Ne estas paĝo ĉe tiu adreso!</h1>
</body>
</html>
Agordigi Cloudfront
Nun ni havas la dosierojn en S3a ujo, sed oni devas ne gastigi retejon rekte el S3a ujo. Tio estas kaj multkosta kaj ne la plej rapida. Do ni povas aldoni enhavan disdonan reton por plirapidigi la aliron al la retejo. Iru al https://console.aws.amazon.com/cloudfront/home kaj krei novan disdonaĵon. La plejparto de la antaŭmetitaj agordoj sufiĉas, sed du agordojn vi bezonas ĝisdatigi. Unua estas la fonta retnomo (an: Origin Domain Name). Kiam vi klakas, ĝi montros la S3-aj ujojn, AVERTU, vi bezonas elekti ne la ujon, sed la Endpoint adreson konservitan en la antaŭa paŝo, ekz agrablaprogramado.com.s3-website-us-east-1.amazonaws.com. La dua grava agordo enmetenda estas la alternaj retnomoj (an: Alternate Domain Names), por tiuj enmetu la retnomo kaj kun kaj sen www., ekzemple:
agrablaprogramado.com
www.agrablaprogramado.com
kaj kreu la disdonaĵon je la fino. Kiam ĝi finiĝas, notu la retnomon. Ĝi estos simila al ion.cloudfront.net. Vi bezonos ĝin dum la paŝo kun Route 53.
DNS per Route 53
Finfine, ni havas la dosierojn gastigatajn kaj en S3-ujo kaj en disdona servo. Fine, ni bezonas krei gastigan retnoman zonon ĉe https://console.aws.amazon.com/route53/home. Grave, por la retnomo certigu ke vi finas ĝin per .. Ekzemple, por agrablaprogramado.com, oni bezonas agrablaprogramado.com.. Post la kreado, vi jam havos kelkajn rekordojn. Vi bezonas krei du pliajn. Por la unua rekorda aro, kreu sennome kun la tipo de A - IPv4 address kaj diru Yes por alinomo (angle: Alias) kaj por la alinoma celo (angle: Alias Target) enmetu la Cloudfront retnomon, kiun vi notis en la paŝo pri Cloudfront ion.cloudfront.net kaj kreu. Due, kreu novan rekordan aron kaj por la nomo enmetu www, denove elektu A - IPv4 address kaj Yes por alinomo, kaj por la alinoma celo elektu la retnomon de la unua rekordo kaj kreu.
Fino
Post kelkaj minutoj, kiam la DNS disdoniĝas, vi povas iri al via retnomo kaj vidi vian dosieran retpaĝon. Gratulon! En sekvonta artikolo mi traktos ilon por krei senrulan retpaĝon pli aŭtomate ol per mane, kaj la eblecon aŭtomate alŝuti ĝin al la S3-ujo. Ĝis tiam.